2017-Йили уйғур елигә 30 миңға йеқин ихтисаслиқ хадим лазим икәнлики ашкар қилинди

Мухбиримиз җүмә
2017-04-08
Елхәт
Пикир
Share
Принт

Алий мәктәпләрни пүттүргән уйғур яшлириниңму хизмәт тепишта қийниливатқанлиқи илгири сориливатқан пәйтләрдә, уйғур аптоном районлуқ адәм күчи байлиқи вә иҗтимаий капаләт назарити2017-йили уйғур елигә 30 миңға йеқин ихтисаслиқ хадим җиддий еһтияҗлиқ икәнлики ашкарилиған.

Тәңритағ ториниң бу һәқтики хәвиригә қариғанда, райондики һәр дәриҗилик һөкүмәт органлири, кәспий орунлар, маарип вә сәһийә саһәси қатарлиқлар орунларда нөвәттә җәмий 28 миң 137 орун бикар икән.

Хәвәрдә аптоном районлуқ адәм күчи байлиқи вә иҗтимаий капаләт назарити базар башқармисиниң башлиқи җав чиңниң ейтқанлиридин нәқил елип көрситишичә, бу йил йәнә уйғур елидики әмәлийәтчанлиқ тәләп қилидиған хизмәтләргә болған еһтияҗму көрүнәрлик ашқан.

Униң ейтишичә, бу саһәгиму 26 миң 154 нәпәр оттура техником сәвийисидики техник хадим лазим икән.

Һалбуки, бу орунларниң йәрлик уйғурларни мәнпәәтдар қилидиған яки қилмайдиғанлиқи һазирчә намәлум.

Илгири радиомиз игилигән бәзи учурларда пәқәт қарамай шәһириниң өзидила алий мәктәпни пүттүрүп иш тапалмай йүргән уйғур вә қазақ яшлириниң 5 миңдин ашидиғанлиқи, даириләрниң бу яшларниң ата-анилириниң нидасиға қулақ салмиғанлиқи билдүрүлгән.

Бу һәқтә тохталған америка уйғур җәмийитиниң рәиси илшат һәсәнниң билдүрүшичә, ишсизлиқ мәсилиси уйғур елидики чоң мәсилиләрниң бири болсиму, әмма иш тепишта хитайдин башқа милләтләр чәткә қеқишқа вә кәмситишкә учрайдикән.

У мундақ деди: «хитай даирилири уйғур елидики яхши иш пурсәтлирини йәрликләргә беришниң орниға хитай өлкилиридин аталмиш мутәхәссис намида нопус йөткәшни әвзәл көрүп кәлди. Бу уйғур елидики наразилиқларни улғайтиватқан амилларниң бири. Биз хитай һөкүмитини йәрлик уйғурларниму бу иш пурсәтлиридин бәһримән қилишқа чақиримиз.»

Хитай даирилири йеқини йиллардин буян уйғур йеза яшлирини тәшкилләп«ешинча әмгәк күчи» намида хитай өлкилиригә йөткигән. Бу уйғур кишилик һоқуқ тәшкилатлириниң наразилиқини қозғиған иди.

Пикирләр (0)
Share
Толуқ бәт