Filippin jenubiy déngiz mesilisini hel qilishta toghra yolda ikenlikini bildürdi

Filippin hökümiti xitay bilen bolghan jenubiy déngizidiki térritoriye mesilisini xelq'araliq qanun boyiche hel qilishta toghra yolda ikenlikini bildürdi. Emma, xitay filippin hökümitining bu urunushini ret qildi.

Filippin prézidénti akinoning bash meslihetchisi almendras charshenbe küni xitayning ret qilishigha qarimay mesilini yenila b d t da hel qilish yolidin waz kechmeydighanliqini bildürdi. U mundaq dédi: ularning qoshulush-qoshulmasliqidin qet'iy nezer biz buni dawamlashturimiz.

Xitay tashqi ishlar ministirliqi bügünki bayanatida, filippin otturigha qoyghan tekliplerning “Tarixiy we qanuniy nuqtidin xata” ikenliki we filippinning teklipni ret qilidighanliqini bildürdi.

Bu heqte toxtalghan almendras: elwette bu mesilide biz toghra yolda. Qolimizda buni ispatlaydighan yéterlik höjjetler bolmighan bolsa, bu yolni tutmighan bolattuq, dédi.

Xitay da'iriliri bir nechche yildin buyan filippin özining, dep qaraydighan déngiz tewelikige xalighanche üsüp kirip, filippin béliqchilirigha parakendichilik sélishni kücheytken.

Netijide filippin ötken ayda xitay bilen bolghan déngiz teweliki mesilisini 1982-yildiki déngiz qanuni kélishimi boyiche b d t da hel qilidighanliqini bildürgen idi.