Хитай авиаматкисиниң җәнубий деңиздики сәзгүр су райониға кириши тәйвән билән японийәни җиддийләштүргән

Мухбиримиз қутлан
2016-12-26
Share

Мәлум болушичә, хитайниң "лявниң" намлиқ авиаматкиси 26-декабир күни филиппин билән тәйвән арилиқидики талаш-тартиш болуватқан сәзгүр су райониға үсүп киргән. Бу һал тәйвән, японийә қатарлиқ әлләрни җиддийләштүрүп, уларниң мәзкур су райониға болған сәзгүрлүкини йәниму ашурған.

Тәйвән дөләт мудапиә министирлиқи бүгүн җиддий баянат елан қилип, хитайниң "лявниң" намлиқ авиаматкисиниң 5 данә қоғдиғучи уруш парахотиниң һимайисидә тәйвән арилиниң җәнубиға 90 мил келидиған су райониға үсүп киргәнликини билдүргән.

Һалбуки, хитай ташқи ишлар министирлиқиниң баянатчиси хва чүнйиң бу һәқтә инкас қайтуруп: "бу қетимлиқ маневир ‹лявниң' намлиқ авиаматкиниң очуқ деңизда җәң қилиш иқтидарини синаш үчүн елип берилған. Униң җәнубий деңиздики һәрикитиниң хәлқара қанунға хилап һечқандақ йери йоқ" дегән.

Тәйвән даирилири "‹лявниң' намлиқ авиаматкиниң бу қетимлиқ һәрикити әмәлийәттә хитайниң америкиға бериватқан бир сигналидур. Униң һәрикәт даириси аллиқачан тәйвән билән японийәниң деңиз территорийәсигә бөсүп кирди" дегән.

Японийә тәрәпму "лявниң" намлиқ авиаматкиниң йүрүш даириси японийәниң мияко вә окинава араллириға йеқинлашти, японийә әң җиддий һаләттә униң һәрикитини көзәтмәктә, дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт