Уйғур елида кадир-әмәлдарлар интизамға хилаплиқ қилиш баһанилири билән җазаланмақта

Мухбиримиз ирадә
2021-04-29
Share

Хитайчә "тәңритағ" ториниң хәвиридин қариғанда, 2021-йилиниң биринчи пәслидила уйғур елидики интизам тәкшүрүш вә назарәт қилиш органлири 4556 адәмни җазалиған.

Униңда ейтишиличә, интизам тәкшүрүш даирилири 11 миң 634 әрз вә доклат тапшурувалған, 6871 дело турғузулған, 4556 адәм җазаға учриған. Булар ичидә башқарма вә идарә дәриҗилик кадир 21 нәпәр, наһийә вә тармақ дәриҗилик кадир 124 нәпәр, йеза-базар дәриҗилик кадир 658 нәпәр, асаслиқ мәсул кадир 419 нәпәр, йеза-базар вә карханилардики хадимлардин 3334 нәпәр бар икән.

Буниңдин срт йәнә уйғур районда 2021-йилиниң биринчи пәслидә вилайәтлик интизам тәкшүрүш вә назарәт қилиш аппаратлири "төт хил шәкил" арқилиқ 16226 адәмни тәнқидлигән вә тәрбийәлигән.

Юқириқи бу хәвәрдә җазаланған кадир-әмәлдарларниң милләт тәркиби ениқ дейилмигән, бирақ йеқиндин буян уйғур елидики таратқуларда көпләп елан қилиниватқан "мәркәзниң 8 түрлүк роһиға хилаплиқ қилиш" бойичә җазалинип исимлири ашкариланған әмәлдар-кадирлар һәққидики хәвәрләрдин бу әмәлдарларниң тәңдин толисиниң уйғур миллитидин икәнликини пәрәз қилиш мумкин икән.

Чәт әлләрдики көзәтчиләр хитай һөкүмити һазир хәлқарада уйғурларға қаритиватқан ирқий қирғинчилиқи түпәйлидин қаттиқ тәнқид вә бесимға дуч кәлгәнликтин, райондики вәзийәтни йәниму чиңитип, кадир-әмәлдарларниң йүрикини қисишни мәқсәт қиливатқанлиқини мөлчәрлимәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт