Канада ташқий ишлар министири хитай һөкүмитигә уйғур вәзийитидин әндишә қилидиғанлиқини билдүргән
2022.04.06
Канада ташқий ишлар министири милани җули (Melanie Joly) 5-апрел күни хитай ташқий ишлар министири ваң йи билән телефонлашқанда, уйғур районидики кишилик һоқуқ мәсилисини тилға алған.
Бу һәқтә елан қилинған хәвәрләргә қариғанда, канада ташқий ишлар министири милани җули канада һөкүмитиниң кишилик һоқуқ вә қанунға һөрмәт қилиш принсипида чиң туридиғанлиқи, уйғур районидики кишилик һоқуқ дәпсәндичиликидин әндишә қиливатқанлиқини билдүргән.
Өткән йилларда хитай һөкүмити канада пуқралирини өч елиш характерлик тутқун қилған, һәтта бирсини өлүмгә һөкүм қилған болуп, канада ташқий ишлар минситири буниму тилға елип өткән вә хитайға “канада билән болған сәмимий мунасивәтни давамлаштуруш үчүн кишилик һоқуққа һөрмәт қил” дегән сигнални бәргән.
Икки тәрәп уйғурлар мәсилисидин башқа йәнә, украина уруши тоғрилиқ пикир алмаштурған. Милани җули русийәниң таҗавузчилиқ һәрикитиниң бирләшкән дөләтләр тәшкилатиниң низамиға хилап икәнликини, көплигән дөләтләр қатарида канаданиңму хитайниң бу урушқа тутқан мәйданиға вә кейинки һәрикитигә диққәт қиливатқанлиқини билдүргән.
Көп көрүлгән хәвәрләр
RFA
- Ғулҗадики қамал иҗраатлирида тәһдитләр давам қилмақта, аһалиләргә йәнә намәлум дорилар берилмәктә
- Б д т алаһидә тәкшүргүчи әмәлдари: уйғурларниң қул әмгики инсанийәткә қарши җинайәт тәшкил қилиши мумкин
- Коммунизм қурбанлири хатирә фонди: “уйғурлани бастурушқа қатнашқан барлиқ хитай әмәлдарлири җазалиниши керәк!”
- Хәлқара қанун адвокатлири уйғур тәшкилатлириға вакалитән хитайниң җинайити үстидин аргентина сотиға әрз сунған
- Пакстандики хәлқаралиқ муһакимидә орун берилмигән уйғур мәсилиси ғулғула темисиға айланған