Ким җоңон билән ши җинпиң 3-қетим көрүшти

Мухбиримиз әзиз
2018.06.19

Өткән һәптә америка президенти доналд трамп билән учрашқан шималий корейә рәһбири ким җоңон 19-июн күни йәнә бир қетим хитайға келип, хитай рәиси ши җинпиң билән көрүшкән. Фирансийә бирләшмә агентлиқиниң бүгүнки хәвиридә ейтилишичә, бу униң март ейидин буянқи 3-қетимлиқ хитай зиярити икән.

“вашингтон почтиси” ниң 19-июндики хәвиридә ейтилишичә, ким җоңунниң бу қетимқи бейҗиң сәпири америка һөкүмити җәнубий корейәдә авғуст ейида өткүзүлмәкчи болған уруш маневирини бикар қилишни җакарлишиниң әтисигә тоғра кәлгән. Бу қетимқи учришишта хитай рәиси ши җинпиң сингапордики учришишқа һәмдә корейә йерим арилини ядросизлаштуруш қарариға юқири баһа бәргән. Әмма хитайни изчил һалда шималий корейәниң әң зор арқа тирики, дәп қарап келиватқан хәлқара җамаәт ким җоңунниң бу қетимқи бейҗиң сәпирини “ши җинпиңниң йәнила ким җоңунниң бурнидин йетиләп меңиватқан киши икәнликини көрсәтмәктә,” дәп шәрһилигән. 

С н н ниң бу һәқтики хәвиридә көрситилишичә, ким җоңун бу қетим бейҗиңға иқтисадий җәһәттә ярдәм сорап кәлгән болуши еһтималға толиму йеқин икән. Чүнки шималий корейә б д т иҗра қиливатқан иқтисадий қамал сәвәбидин равурус һалсизлинип қалған болғачқа хитайниң сиясий вә иқтисадий җәһәттин ярдәм бериши улар үчүн бәкму зор қиммәткә игә икән. Әмма бу ярдәмләрниң қандақ шәкилдә һәмдә қайси вақитта әмәлгә ашидиғанлиқи һәққидә һазирчә һечқандақ нәрсә мәлум әмәс икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.