Yeken nahiyesidiki kömürkanda yüz bergen weqede ölgenlerning sani 5 ke yetti

Muxbirimiz erkin
2016-04-08
Share

Uyghur rayonining yeken nahiyesidiki kömür kanda 3‏-aprél küni yüz bergen weqede ölgen adem sani 5 ke yetken. Xitay axbarati deslepki xewiride 3 adem ölgenlikini, 7 ademning kan astida qamilip qalghanliqini xewer qilghan.

Yeken nahiyesidiki "Tyenli" namliq xitay kömür kan shirkitining kan quduqida yüz bergen weqe, kan quduqining gümürülüp chüshüshi seweblik kélip chiqqan.

Nahiyelik kömürkan bixeterlik da'irilirining shinxu'a agéntliqigha bildürüshiche, qutquzush etriti seyshenbe küni ikki 2 jeset tapqan. Da'iriler, yene 5 ademning quduq astida dawamliq qamilip yatqanliqini bildürgen bolsimu, emma ularning ölük-tirikliki heqqide héchqandaq uchur bermigen.

3‏-Aprél sa'et 2:50 lerde kan quduqi gümürülüp chüshkende kan astida 19 ishchi meshghulat élip bériwatqan iken. Yerlik da'irilerning bildürüshiche, weqedin kéyin kan inzhénéri, kan bashliqi we bashqa mes'ul kishiler tutqun qilin'ghan.

Xitay kan weqeliri dunyada eng köp yüz béridighan we eng köp adem ölidighan dölet. Emma Uyghur pa'aliyetchilirining ilgiri sürüshiche, Uyghur rayonining kömür bayliqini qalaymiqan we pilansiz qézish pa'aliyiti kan bixeterlik tedbirlirining boshap, rayonda kan weqelirining köplep yüz bérishidiki asasliq seweb bolup qalghan.

Bu qétim kan weqesi yüz bergen "Tyenli" kömür kéni yeken nahiye baziridin 110 kilométir yiraqliqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.