Zimbabwé diktatori mugabi bu yil kungzi tinchliq mukapati bilen tartuqlandi
2015.10.22
Xitayning “Kungzi tinchliq mukapati” gha bu yil zimbabwé prézidénti mugabi layiq körüldi. Mugabi gherb démokratik döletliri we kishilik hoquq organliri teripidin eng zalim diktatorlarning biri, dep eyiblinip kéliwatqan shexs.
“Nyuyork waqti” gézitining éytishiche, mugabi 1980-yili zimbabwéda hoquqni qolgha alghandin kéyin sür'et bilen diktatoriliq tüzümini shekillendürüp, öktichi awazlargha zerbe bergen. U bashqa démokratik riqabetchilirini we ularning yandashlirini jimiqturushta wasite tallimay, ulargha qarita zorawanliq, tehdit we öltürüsh usullirini qollan'ghan. Uning üstige robért mugabi yürgüzgen iqtisadiy siyasetmu meghlup bolup, zimbabwéda pul paxalliqi we kembeghellishishke yol achqan.
Emma “Kungzi tinchliq mukapati” bahalighuchiliri bolsa mugabining zimbabwéda siyasiy we iqtisadiy muqimliq yaritip, afriqida tinchliq berpa qilishqa zor töhpe qoshqanliqini ilgiri sürgen.
“Kungzi tinchliq mukapati” xitay teripidin 2010-yili nobél tinchliq mukapatigha qarshi qurulghan. U tesis qilin'ghandin buyan rusiye prézidénti putin, kubaning sabiq prézidénti fidel kastro qatarliqlar bu mukapat bilen tartuqlan'ghan idi.