Кучадики бастурушта хизмәт көрсәткән хитай әмәлдари үрүмчи шәһириниң партком секритарлиқиға тәйинләнгән

Мухбиримиз әркин
2021-10-27
Share

2014-Йили кучадики бастурушта хизмәт көрсәткән куча наһийәлик парткомниң сабиқ секритари яң фасен өстүрүлүп, үрүмчи шәһәрлик парткомниң секритарлиқиға тәйинләнгән. Хитай азатлиқ армийәсиниң ядро синиқи қисмида вәзипә өтигән бу сабиқ хитай әскири һәрбийликтин алмашқандин кейин, ақсу вилайәтлик валий мәһкимисиниң әмәлдари, куча наһийәлик парткомниң секритари қатарлиқ вәзипиләрни ‍өтигән.

Яң фасен 2017-йили башланған хитайниң уйғур районидики чоң тутқуни мәзгилидә хотән вилайәтлик парткомниң секритари вәзиписини өтигән, 2021-йили 3-айда уйғур аптоном районлуқ һөкүмәтниң муавин рәисликигә йөткәп келингән.

"җәнубий хитай әтигәнлик почтиси" гезитиниң хәвәр қилишичә, җаң фасен 2014-йили куча наһийәсиниң партком секритари болуп вәзипә өтигән мәзгилидә бейҗиңниң диққитини қозғиған болуп, у шу йили кучада аталмиш "терорлиқ тәшкилати" ниң 30 нәпәр әзасини қолған алған икән. Хәвәрдә яң фасенниң "терорлиққа қарши туруш мутәхәссиси" икәнлики, униң "шәрқий түркистан ислам һәркити" ниң зәрбә бериш тизимликидики киши икәнлики тәкитләнгән.

Һалбуки, мәвҗутлиқи һазирға қәдәр изчил суал пәйда қилип кәлгән вә өткән йили американиң "терорлуқ тәшкилатлар тизимлики" дин чиқиривәткән бу тәшкилатниң бундақ бир тизимликиниң барлиқи мәлум болуп бақмиған иди. Мәлум болушичә, яң фасенниң ‍үрүмчи шәһәрлик парткомниң секритарлиқиға тәйинлиниши, хитайниң йеқинда елип барған уйғур аптоном районлиқ парткомниң даими һәйәтлирини қайта рәткә селиш һәркитиниң бир парчиси икән. Хитай даирилири бу қетимлиқ рәткә селишта уйғур аптоном районлуқ парткомниң чен чуәнго башчилиқидики 15 кишилик даимий комитетини қайтидин тәшкил қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт