Ли кечяң хитай иқтисадидики чүшүшниң еғир бесимини етирап қилған

Мухбиримиз шөһрәт һошур
2015-01-21
Share

Шиветсарийәдә ечилған дуня иқтисади муһакимә йиғиниға қатнашқан хитай баш министири ли кечяң, түнүгүн "җуңго иқтисадий вәзийитидики өзгиришниң дуняви тәсирлири" дегән темида сөз қилған.

У сөзидә хитай иқтисадидики чүшүшниң хитай җәмийитигә болған еғир бесимини етирап қилған. Б б с ниң бүгүнки бу һәқтики хәвиридә баян қилинишичә, ли кечяң сөзидә хитайниң ислаһатни йәниму чоңқурлаштуридиғанлиқи, чоңқур қатламлардики вә иқтисадий қурулмидики мәсилиләрни һәл қилидиғанлиқи һәққидә вәдә бәргән вә дуня сиясий вә сода саһәсиниң рәһбәрлирини хитай иқтисадиға ишинишкә чақирған.

У сөзидә баштин ахир сода-санаәтчиләрниң хитай иқтисадиға қарита әндишисини пәсәйтишкә тиришқан. Мәлум болушичә хитай дөләт рәиси ши җинпиң өткән йили қилған бир сөзидә хитай иқтисадиниң юқири сүрәтлик өрләштин, оттура юқири сүрәтлик өрләшкә йүзләнгәнликини вә иқтисадий қурулминиң илғарлишиш басқучида икәнликини баян қилған, хитайниң икки дөләт рәһбириниң сөзлиридики бу пәрқ вәзийәт көзәткүчилириниң диққитини тартти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт