Nobél tinchliq mukapati sahibi lyu shawboning qéyin inisi 11 yilliq késildi

Nobél tinchliq mukapatining sahibi, hazir türmide yétiwatqan xitay ziyaliysi lyu shawboning qéyin inisi lyu xuy béyjingda 11 yilliq muddetlik türme jazasigha höküm qilin'ghan hem siyasiy hoquqidin mehrum qilin'ghan.

Birleshme agéntliqining xewiridin melum bolushiche, lyu xuyge aldamchiliq jinayiti artilghan bolup, lyu xuy we uning shériki birliship, bashqilarning 3 milyon yüen pulini aldap éliwalghan dep höküm élan qilin'ghan. Lyuxuy béyjingdiki bir öy - mülük shirkitining ish béjirgüchisi idi.

Biraq, lyu xuyning adwokati lyu xuyning sotta hökümni anglighandin kéyin, sotchidin " Sen özüngning wijdanigha yüz kélelemsen?" dep sorighanliqini ashkarilighan.

Nobél mukapati sahibi lyu shawboning ayali lyusha sotqa bérip hökümni anglighan hemde özining inisi üstidin chiqirilghan mezkur türme jazasining siyasiy zerbe bérish ikenlikini bildürgen.

Lyusha muxbirlargha yighlap turup, " Bu qanunsiz sotlash, pütünley shundaq" dégen.

Xewerdin melum bolushiche, amérika, yawropa ittipaqi we teshkilatlarning on nechche kishilik wekilliri hemde köpligen muxbirlar sot meydanigha bérip, sotqa kirishke intilgen bolsimu ret qilishqa uchrighan.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar