Ma shingrüy bayin'gholin oblastida meschit we saqchixanilarni közdin kechürüp, idiye we herikette “Shinjangning muqimliqi” ni qet'iy saqlashni telep qilghan

“Shinjang xewerliri tori” da chiqqan bir xewerdin melum bolushiche, Uyghur aptonom rayonluq partkomning sékritari ma shingrüy 5-ayning 16-künidin 17-künigiche bayin'gholin oblastida meschitlerni we saqchixanilarni közdin kechürgen.

Ma shingrüy korla shehiri ittipaq meschiti, xotunsumbul nahiyesi tungshin xuyzu meschiti qatarliq meschitlerni ziyaret qilghanda, partiye 10-nöwetlik komitéti 3-omumiy yighinining rohini izchillashturushni, shi jinpingning “Shinjangni qanun bilen bashqurush” idiyesini yétekchi qilishni, islam dinini xitaychilashturushni, esebiylikke qarshi zerbe bérishni tekitligen.

Ma shingrüy yene bügür nahiye, xoshut nahiyelik saqchi idarilirini közdin kechürüp ulardin hal sorighan hemde nöwettiki weziyette “Térrorluqqa qattiq zerbe bérip muqimliqni qoghdash” tek yuqiri bésimliq haletni saqlashni we uni da'imlashturushni telep qilghan.

Ma shingrüy 14-, 15-may künliri ürümchide partiye 10-nöwetlik komitétining 3-omumiy yighinini échip arqidinla bayin'gholin oblastigha bérip, bu yighinning rohini yetküzüsh sepirini bashlighan؛ weziyetke yéqindin diqqet qilghuchilarning bildürüshiche,  ma shingrüyning bu qétim  bayin'gholin oblastini “Tekshürüp tetqiq qilishi” bu jayning istratégiye we iqtisadiy jehettiki ornigha alahide köngül bölidighanliqini körsitidiken. U bir yaqtin meschitlerni ziyaret qilish arqiliq muqimliqning idiye asasini kücheytmekchi bolghan bolsa, saqchi idariliridin hal sorap, ulargha medet bérish arqiliq muqimliqni qoral küchi, zorawanliq wasitisi bilen qoghdashni meqset qilghan.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar