Хитай һөкүмити уйғур мәҗбурий әмгикини паш қилған америка әмгәк мупәттиш ширкитиниң хитайдики тармиқини тақиған

Мухбиримиз әркин
2021-08-20
Share

Хитай һөкүмити уйғурларниң мәҗурий әмгәккә селиниватқанлиқи тоғрисида доклат тәйярлиған америкадики "вәрите" намлиқ хәлқара әмгәк мупәттиш ширкитиниң хитайдики бир йәрлик һәмкарлашқучи тармақ ширкитини тақиған.

Мәлум болушичә, шенҗендики "хитай вәрите" намлиқ бу ширкәтниң тақилишиға униң уйғур мәҗбурий әмгеки тоғрисида тәйярлиған доклати сәвәб болған. Бу доклатта хитайниң уйғурларни мәҗурий әмгәккә селиватқанлиқи қәйт қилинған.

Бу доклатни тәйярлашни уларға америкадики "вәрите" әмгәк мупәттиш ширкити һавалә қилған болуп, уни "вәрите" ширкитигә хәлқара "алий сүпәтлик пахта тәшкилати" һөддигә бәргән. "вол-ситрет жорнали" гезитиниң 19-авғуст бәргән бу һәқтики хәвиридә ейтишичә, шенҗендики мәзкур хитай әмгәк мупәттиш шеркитиниң тақилиши "хитайда әмгәк назаритиниң ишәнчиликлигигә қарита суал пәйда қилған."

"вол-ситрет жорнали" гезитиниң хәвиридә йәнә "бейҗиңниң шинҗаңдики мәҗбурий әмгәккә қарши турушқа зәрбә бериш һәркитини күчәйткәнкилики", шундақла бу хәлқараниң хитайдики тәминат зәнҗирини назарәт қилишини техиму мурәккәпләштүргәнлики" ни билдүргән.

Хитай даилири бу йил 4-айда шенҗиндики "хитай вәрите" ниң аз дегәндә 7 нәпәр хадимини сорақ қилған. Даириләр йеқинда уларниң бәзилирини уйғур мәҗбурий әмгики тоғрисида тәйярлиған доклатиниң тоғра икәнликини инкар қилишқа мәҗурлиған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт