"Shinjang sinipi" gha bu yil on minggha yéqin oqughuchi qobul qilinidiken

Muxbirimiz irade
2016-08-04
Share


Tengritagh torining xewiridin qarighanda, bu yil xitay ölkiridiki toluq ottura siniplirigha 9880 neper oqughuchi qobul qilish pilanlan'ghan. Buning ichide yerliktin qobul qilinidighanlar sani 9530 oqughuchi bolup, bingtu'endin qobul qilinidighanlarning sani 350 neper iken.

Uyghur aptonom rayonluq "Ichki ölkilerdiki shinjangliq oqughuchilar xizmitini bashqurush ishxanisi" bergen bayanatqa qarighanda, bu yil xitay ölkiliridiki "Shinjang sinipliri" gha ewetilidighan oqughuchilar nuqtiliq halda jenubtiki 3 wilayet, bir oblasttin, bolupmu aptonom nahiyelerdiki nopusi az bolghan az sanliq millet oqughuchiliridin tallinidiken. Bu yil shinjang siniplirigha tizimlatqanlar sani 44 mingdin ashqan.

2000 - Yili béyjing, shangxey, tyenjin qatarliq sheherlerde tunji qétim "Shinjang sinipliri" ni tesis qilin'ghanda 1000 neper oqughuchi qobul qilghan idi. Emma da'iriler shinjang siniplirining sanini zor küch bilen ashurup, qisqighine bir mezgil ichide oqughuchi qobul qilish kölimini kéngeytip 10 minggha yetküzgen.

Shinjang siniplirining qurulush meqsiti közetküchilerning diqqitini qozghap kéliwatqan bir mesile. Nurghun Uyghur közetküchiler jenubiy Uyghur élidiki déhqan - charwichilarning perzentliri nishanliq qobul qilinidighan bu sniplarning "Uyghur perzentlirining méngisini yuyush" üchün xizmet qilidighanliqini ilgiri süridu. 2014 - Yili s n n téliwiziyisining bir muxbiri tyenjindiki shinjang sinipi oqutquchisini ziyaret qilghanda, u bu balilargha wetenni söyüshni ögitidighanliqini éytqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet