Д у қ хәлқара җәмийәтни хотән "пурчақчи вәқәси" ни мустәқил тәкшүрүшкә чақирди

Мухбиримиз әркин
2015-03-13
Share

Д у қ җүмә күни баянат елан қилип, хәлқара җәмийәтни 9‏-март хотән пурчақчи йезисидики ресторанда йүз бәргән хитай аманлиқ күчлириниң уйғурларни етип өлтүрүш вәқәси үстидин мустәқил тәкшүрүш елип беришқа чақирди.

Д у қ ниң билдүрүшичә, у бейҗиңда хитай хәлқ қурултийи ечиливатқан мәзгилдә йүз бәргән бу вәқәдин қаттиқ әндишигә чүшкән.

Радиойимизниң игилишидин қариғанда, хитай аманлиқ күчлири 9‏-март күни пурчақчидики "шәрбәт" рестораниниң алдида 2 уйғурни етип өлтүргән. Вәқәдә йәнә, бир сақчи өлгән, 2 уйғур әсир елинған, 3 уйғур қечип кәткән. Нөвәттә, 3 уйғурниң давамлиқ қечип йүрүватқанлиқи, хитай даирилириниң қаттиқ ахтуруш елип бериватқанлиқи мәлум.

Лекин д у қ өлтүрүлгән уйғурларниң 7 киши икәнликини илгири сүрди.

Д у қ, бу трагедийәлик вәқәдин қайғуға патқанлиқини билдүрүп, буниң мәзкур йезида мушу йил ичидә йүз бәргән 5‏-қетимлиқ қанлиқ вәқә икәнликини ашкарилиди.

Қурултай баянатиниң ахирида агаһландуруп: "шуңа, биз хитайда хизмәт қиливатқан барлиқ журналистларни шундақла хәлқара җамаәтни йеқиндин буян йүз бәргән, бирақ хәвәр қилинмайватқан бу вәқәләргә йеқиндин диққәт қилишқа чақиримиз. Әгәр дуня буниңға пәқәт хәвәр орнида қариса, еһтимал бүгүнки бу бигунаһ 7 җан, әтә17 гә көпийиши мумкин" деди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт