2-نۆۋەتلىك دۇنيا ئۇيغۇر ياشلىرى پۇتبول مۇسابىقىسى 6-ئايدا تۈركىيەدە ئۆتكۈزۈلىدۇ

مۇخبىرىمىز شۆھرەت ھوشۇر
2014-02-10
Share

دۇنيا ئۇيغۇر ياشلىرى پۇتبول مۇسابىقىسىنىڭ ئىككىنچى نۆۋەتلىكى بۇ يىل 6-ئايدا تۈركىيەنىڭ قەيسىرى شەھىرىدە ئۆتكۈزۈلىدۇ.

دۇنيا ئۇيغۇر قۇرۇلتىيى توربېتىدە ئېلان قىلىنغان بۇ ھەقتىكى ئۇقتۇرۇشتا بايان قىلىنىشىچە، قۇرۇلتاي مەسئۇللىرى ئۆتكەن يىلى 11-ئايدا ۋاشىنگتوندا بۇ ھەقتە مەخسۇس بىر يىغىن ئاچقان ۋە ئورۇنلاشتۇرۇش ئېلىپ بارغان.

مەزكۇر مۇسابىقە ئۆتكەن يىلى ۋېنگىرىيەدە ئۆتكۈزۈلمەكچى بولغاندا خىتاي ھۆكۈمىتى ۋېنگىرىيە ھۆكۈمىتىگە تەلەپ سۇنۇپ ۋە مۇسابىقىگە مەسئۇل بولغان قۇرۇلتاي مۇئاۋىن رەئىسى ئۈمىد ئاگاھى ئەپەندىنى تېررورلۇق بىلەن ئەيىبلەپ، مۇسابىقىنىڭ ۋېنگىرىيەدە ئۆتكۈزۈلۈشىنىڭ ئالدىنى توسقان ئىدى؛ ئەمما ۋەقە مەتبۇئاتلاردا كەڭ-كۆلەمدە خەۋەر قىلىنىپ، خىتاينىڭ ئۇيغۇرلارغا قارىتا يۈرگۈزۈۋاتقان باستۇرۇش سىياسىتى دۇنياغا يەنە بىر قېتىم ئاشكارىلانغان ئىدى.

مەلۇم بولۇشىچە، بۇ مۇسابىقىنىڭ تۇنجى قېتىملىقى 2011-يىلى گوللاندىيەدە ئۆتكۈزۈلگەن؛ مۇسابىقىگە نورۋېگىيە، گېرمانىيە، ئامېرىكا قاتارلىق 7 دۆلەتتىكى ئۇيغۇر جامائىتىدىن كوماندىلار قاتناشقان. ئاي-يۇلتۇزلۇق كۆك بايراق يەنى شەرقى تۈركىستان بايرىقى بىلەن ئورالغان پۇتبول مەيدانى مۇسابىقىنى نەق مەيدان ۋە ئېكراندىن كۆرگەن ئۇيغۇر تاماشىبىنلارنى ھاياجانغا سالغان ئىدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت