2-Нөвәтлик дуня уйғур яшлири путбол мусабиқиси 6-айда түркийәдә өткүзүлиду
Дуня уйғур яшлири путбол мусабиқисиниң иккинчи нөвәтлики бу йил 6-айда түркийәниң қәйсири шәһиридә өткүзүлиду.
Дуня уйғур қурултийи торбетидә елан қилинған бу һәқтики уқтурушта баян қилинишичә, қурултай мәсуллири өткән йили 11-айда вашингтонда бу һәқтә мәхсус бир йиғин ачқан вә орунлаштуруш елип барған.
Мәзкур мусабиқә өткән йили венгирийәдә өткүзүлмәкчи болғанда хитай һөкүмити венгирийә һөкүмитигә тәләп сунуп вә мусабиқигә мәсул болған қурултай муавин рәиси үмид агаһи әпәндини террорлуқ билән әйибләп, мусабиқиниң венгирийәдә өткүзүлүшиниң алдини тосқан иди; әмма вәқә мәтбуатларда кәң-көләмдә хәвәр қилинип, хитайниң уйғурларға қарита йүргүзүватқан бастуруш сиясити дуняға йәнә бир қетим ашкариланған иди.
Мәлум болушичә, бу мусабиқиниң тунҗи қетимлиқи 2011-йили голландийәдә өткүзүлгән; мусабиқигә норвегийә, германийә, америка қатарлиқ 7 дөләттики уйғур җамаитидин командилар қатнашқан. Ай-юлтузлуқ көк байрақ йәни шәрқи түркистан байриқи билән оралған путбол мәйдани мусабиқини нәқ мәйдан вә екрандин көргән уйғур тамашибинларни һаяҗанға салған иди.
- Лагерда вәзипә өтигән сақчи нурмәмәт йүсүпниң өзини өлтүрүвалғанлиқи ашкариланди
- Доктурант фирқәт юнус: мениң бу нәтиҗилирим биздин бурунқиларниң мувәппәқийәтлиригә селиштурғанда һечнемә әмәс!
- Доктор турди муһәммәд абдулла теббий давалаш материяли тәтқиқатида 7 қетим патент һоқуқиға еришкән
- Анализчилар әркин туниязниң уйғур аптоном райониға мувәққәт рәисликкә қоюлушидики арқа көрүнүш һәққидә тохталди
- Президент җов байден "нуремберг соти" ниң тәптишигә беғишланған нутқида уйғурларға селиниватқан зулумларни санап өтти
