22 - Июн қәшқәрдә тоқунуш йүз берип 3 сақчи, 15 һуҗумчи өлди

Мухбиримиз әркин
2015-06-23
Share


Бүгүн хитайдики иҗтимаий таратқулардин үндидар вә чәтәлләрдики хитай тилидики торлардин бири "бошүн"дә тарқалған қәшқәрдә тоқунуш йүз бәргәнлики һәққидики ички уқтуруш болған.

Бу ички уқтурушниң фото копийисидә дейилишичә,"22 - июн сәһәр саәт 0 дин 40 минут өткәндә, қәшқәр шәһриниң <шинчүн бейлу>дәп атилидиған районида, йәни уйғурлар тахта көврүк дәп атайдиған районида сақчиларниң тәкшүрүш понкитиға үч чақлиқ мотсиклит вә йүк аптомобили билән партлитип һуҗум қилиш вәқәси йүз бәргән. Нәқ мәйданда бир сақчи вә бир ярдәмчи сақчи партлап өлгән. 15 Нәпәр һуҗумчи сақчилар тәрипидин етиветилип,5 нәпири яриландурулуп тутқун қилинған."

Хәвәрдә йәнә "партрлитиш һуҗумидин кейин сақчиларниң нәқ мәйдандин қолда ясалған 100 данә көйдүргүч бомба,7 данә партлатқуч бомба,3 данә қиңғирақни тапқанлиқи" тилға елинған.

Радиомиз мухбириниң қәшқәрдин бу вәқә һәққидә игилигән әһвалдин мәлум болушичә, вәқә қәшқәр шәһриниң шималиға тоғра келидиған тахти көврүл әтрапида йәни қәшқәр пидагогика университетиға йеқин җайда йүз бәргән. Пидаийларниң һуҗумида өлгән сақчиларниң 3 икәнлики ениқланди. Бүгүнки мәхсус сәһипиләр бойичә берилидиған программимизда бу қетимқи тоқунуш һәққидики тәпсилатларни аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт