Xitay hökümiti qeshqerde ul esliheler qurulushini dawamliq kéngeytken

Muxbirimiz erkin
2020.11.13
Share on WhatsApp
Share on WhatsApp

Bu yil Uyghur éli korona wirusi yuqumining qattiq tehditige uchrighan bolsimu, lékin xitay hökümiti qeshqerde olturaq oy, yataqliq mektep, ayrodrom qatarliq ul esliheler qurulushini dawamliq kéngeytken. “Xitay xewerliri” torining bildürüshiche, qeshqerde da'iriler hazirgha qeder muqim mülükke sélin'ghan yilliq wezipe nishanini 101 pirsent orundighan. Közetküchiler mezkur wilayette yuqum mezgilidimu ul esliheler qurulushining dawamliq kéngiyishi xitay köchmenlirini yötkesh, Uyghurlarni köchürüsh, lagér qurulushi qatarliq amillar bilen munasiwetlik, dep qarimaqta.

“Xitay xewerliri” ning ashkarilishiche, bu mezgilde qeshqerning peyziwat nahiyesining özidila ichimlik su, erzan bahaliq öy, yataqliq mektep qatarliq 832 xil qurulush türi tamamlan'ghan. Xewerde tekitlishiche, bu yil 10-ayning 24-küni qeshqer konasheher nahiyeside korona wirusi yuqumi tarqilip, pütün wilayet qamal qilin'ghan bolsimu, lékin ul esliheler qurulushi toxtimighan.

Xewerde nöwette qeshqer ayrodromini kéngeytish qurulushi, tashqorghan ayrodromi qurulushini öz ichige alghan 261 xil ul eslihe qurulushining dawamlishiwatqanliqini bildürgen. Xitay hökümiti 2017-yildin bashlap milyonlighan Uyghurni lagérlargha qamash, qamaq jazalirigha höküm qilip ichkiri ölkilerge yötkesh bilen bir waqitta yene rayonning ul eslihelirige keng kölemlik meblegh sélip, xitay köchmenlirini türkümlep yötkep chiqishqa bashlighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.