Хитай даирилириниң рамзан мәзгилидики аммиви паалийәтләргә чәклимә қоюши наразилиқ қозғиди

Мухбиримиз меһрибан
2013-07-23
Share

Рамзан киргәндин буян уйғур елидә, даириләрниң уйғурларниң рамзан мәзгилидики аммиви паалийәтлиригә қаратқан чәклимә вә уқтурушлириниң көпийиши уйғурларниң наразилиқини қозғимақта.

Йеқинда тор бекәтлиридә қизил көврүк иҗтимаий район аһалиләр комитети намидин тарқитилған бир уқтурушниң фото рәсими йолланғанди. 11-Июл тарқитилған бу уқтурушта шу аһалиләр районидики пуқралардин рамзан мәзгилидики иптар чай, мейит намизи, нәзир қатарлиқ аммиви паалийәтләрни өткүзүштин илгири, алди билән аһалиләр райониға келип тизимлитиш, мунасивәтлик орунларниң тәстиқини алғандин кейинла андин қанун йол қойған даиридә бу хил паалийәтләрни өткүзүш тәләп қилинған. Уқтурушта йәнә аһалиләр комитети қатарлиқ җайларниң тәстиқини алмай туруп өз алдиға паалийәт өткүзгәнләрниң қануний җавабкарлиқи сүрүштүрүлидиғанлиқи алаһидә әскәртилгән.

Бу уқтуруш тор бекәтлиридә көчүрүп тарқитилғандин кейин, уйғурларниң наразилиқ инкаслири көпәйди. Уйғурбиз ториниң 22-июлдики хәвиридә, мәркизи милләтләр университетиниң җәмийәтшунаслиқ кәспиниң дотсенти абдуришит қарлуқниң "бу қарашлар компартийиниң идийисигә вәкиллик қиламду? гетлерму йәһудиларға бундақ муамилә қилмиған иди." дегән сөзи вә үрүмчи өзтүрк ширкитиниң муавин директори таһир иминниң "коллектип паалийәтләргә чәклимә қоюлуватиду. Ундақта бундин кейин һаҗәтханиға барсақму рохисәт елишимиз керәккән. Болмиса қанунсиз йиғилиш паалийити өткүздүңлар дәп җазалинишимиз мумкин" дегән сөзлири нәқил елинди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт