Marko rubiyo xitayning tesir körsitish herikitige taqabil turushning zörürlükini tekitligen

Washin'gtondin muxbirimiz irade teyyarlidi
2023.09.28

Amérika kéngesh palata ezasi marko rubiyo xitayning amérika jama'etchilikining éngini burashni meqset qilghan tesir körsitish heriketlirini qattiq kücheytiwatqanliqini bildürgen. U buninggha misal qilip, xitayning tik-tok epining buningdiki rolining intayin chong boluwatqanliqini, xitayning bu ep arqiliq hem milyonlighan amérikaliqlarning shexsi uchurigha érishse hem ularning méngisini burawatqanliqini bildürgen.

U bu sözlerni amérika kéngesh palatasi qarmiqidiki istixbarat komitéti (senate intelligence committee) da uyushturulghan bir guwahliq anglash yighinida qilghan.

27-Séntebir küni, xitay hökümitining amérikadiki yaman niyetlik tesir körsitish herikitige taqabil turush heqqide ötküzülgen bu guwahliq anglash yighinida amérika fédératsiye tekshürüsh idarisi (FBI) jasusluqqa qarshi turush bölümining sabiq yardemchi mudiri alén koxlér (Alan Kohler) , erkinlik sariyining aliy tetqiqatchisi sara kuk qatarliq mutexessisler qatniship, xitay hökümitining amérikadiki tesir körsitish wasitiliri we uning kölimi heqqide guwahliq bergen.

Yighinda mutexessisler birdek, xitayning amérikadiki jama'et pikrini burash qilmishlirigha taqabil turushni weziyetning jiddiy teqezzasi, dep tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.