Хитайда ясалған зор миқдардики сахта права америкиға киргән

Мухбиримиз қутлан
2014-10-15
Share

Америка сода телевизийиси вә радио ториниң хәвиригә қариғанда, хитайда ясалған зор миқдардики сахта америка прависи йеқиндин буян америкиға киришкә башлиған.

Бу сахта пиравиларниң ясилиш техникиси наһайити юқири болуп, америкиниң раст пиравилири билән пәрқләндүргүсиз дәриҗигә йәткәнлики мәлум.

Америка таможниси вә чегра қоғдаш идариси әмәлдариниң мухбирға ашкарилишичә, улар сентәбирдин буян хитай чоң қуруқлуқидин америкиға әвәтилгән зор миқдардики сахта правини тәкшүргән. Улар хитайдин әвәтилгән сахта права миқдариниң нәччә йүз йәшиккә йәткәнликини билдүргән.

Мәлум болушичә, хитайда ясалған бу сахта америка пиравилириниң қараңғу базарда сетилиш баһаси тәхминән 150 доллар болуп, униң америкиниң қатнаш бихәтәрлики вә қануниға еғир тәһдит елип кәлгәнлики мәлум.

Хәвәрдә көрситилишичә, бу сахта правилар чай йәшики билән зибузиннәт буюмлири арисиға йошурулған. Буниң ичидә бир түркүм мал тапшурувалғучилар америкидики охшаш бир университетта оқуватқан 20 нәпәр хитай оқуғучи икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.