Хитайдики сахта ваксина вәқәсидә тутқун қилинғанлар 27 гә йәтти, тәкшүрүлгәнләр 300 дин ашти

Мухбиримиз меһрибан
2016-04-14
Елхәт
Пикир
Share
Принт

Хитай алий тәптиш мәһкимиси 14-апрел баянат берип, 3-айда йүз бәргән сахта ваксина вәқәсидә җинайи җавабкарлиқи еғир болғанлардин 27 кишиниң рәсмий қолға елинип, қанун орунлириға тапшурулғанлиқини билдүрди.

Пәйшәнбә күни шинхуа агентлиқиму бир ай ичидә сахта ваксина вәқәсигә четилип мәсулийити сүрүштүрүлгән һөкүмәт әмәлдарлири, сәһийә хадимлири вә дора ширкәт хоҗайинлириниң сани 357 гә йәткәнликини, сахта ваксина вәқәсигә четишлиқ делоларниң давамлиқ тәкшүрүлүватқанлиқини хәвәр қилди.

Мәлум болушичә, 3-айниң башлири хитайниң гуаңдуң өлкисидә йүз бәргән йәсли балисиниң сахта ваксинидин өлүш вәқәсидин кейин, шәндуңда ишләнгән сахта ваксиниларниң хитайниң 20 дин артуқ өлкә, аптоном районға тарқалғанлиқи ашкариланған. Мәзкру вәқә хитай пуқралириниң қаттиқ наразилиқини қозғиған, хитай болса хәлқара сәһийә тәшкилатиниң агаһландурушиға учриған иди.

Нәтиҗидә хитай һөкүмити 22-март күни җайлардики тәптиш органлириға «сахта ваксина вәқәлири үстидә дело турғузуп бир тәрәп қилиш» уқтурушини тарқатқан иди.

Пикирләр (0)
Share
Толуқ бәт