Saxta pullarni bir terep qilish herikiti lopnur nahiyisidimu élip bérilmaqta

Xitayda saxta pullarni yighiwilip, saxta pul basqanlargha zerbe bérish herikiti kuchetilgen bolup, bu xil heriket Uyghur diyarining her qaysi jayliridimu élip bérilmaqta. Bolupmu, bir qisim adem köp kélidighan sayahet orunlirida saxta xelq pulini heqiqiy xelq pulidin perqlendürüsh, xelq pulining qurulmisini chüshinish jehette teshwiqatlar élip bérilghan.

Tengri tagh torining xewer qilishiche, Uyghur diyarining bayin'ghulin mongghul aptonom oblasti tewesidiki lopnur nahiyilik hökümet sayahet idarisi qatarliq orunlar bilen xitay xelq bankisining lopnur tarmiqi birliship, lopnurluqlar sayahet kentide saxta pullargha zerbe bérish nuqtisi qurghan.

Xitay uchur torining xewer qilishiche, mundaq saxta xelq puligha zerbe bérish herikiti ichkiri ölkilerdimu ching tutiliwatqan xizmetlerning biri bolup, gu'angdong ölkilik jama'et xewpsizliki nazariti yéqinda öz tewelikidiki ikki jaydiki saxta pul yasash uwisidin beshni bitchit qilip, 11 milyon yüendin artuq saxta pul we saxta pul bésish metbe'e qeghizi, metbe'e mashinisi qatarliqlarni qolgha chüshürgen. Bu yilning béshida jyangshi ölkiside saqchilar 70 milyon yüendin artuq yérim pishshiqlap ishlen'gen saxta pulni qolgha chüshürgen idi.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar