Shahitlar Uyghurshunash adriyan zénzning Uyghur baliliri heqqidiki sanliq melumatini delilligen

Muxbirimiz erkin
2020-10-19
Élxet
Pikir
Share
Print

Uyghur élidiki shahitlar italiyediki diniy erkinlik tori "Zimistan" gha gérmaniyelik Uyghurshunas adriyan zénzning balilar lagérliridiki Uyghur perzentlirige da'ir sanliq melumatini delilligen. "Zimistan" torining 18-öktebir xewer qilishiche, mezkur torning muxbirliri xitayning 2017-yili bashlan'ghan chong tutqunida ata-anisi tutqun qilinip, qaranchuqsiz qalghan Uyghur balilirining échinishliq teqdirini öz közi bilen körgen shahitlarni ziyaret qilghan. Ular minglighan Uyghur perzentlirining türmige oxshash yataqliq mekteplerge ewetilgenlikini bildürgen.

Adriyan zénz yéqinda doklat élan qilip, yüz minglighan Uyghur balilirining yataqliq balilar lagérlirida tutup turuliwatqnaliqi, ularning köp qismining ata-anilirining lagér, türmilerde ikenlikini ashkarilighan. Uning doklatidiki sanliq melumatlar xitay yerlik hökümetlirining hojjetlirini asas qilghan. Adriyan zénz doklatida yeken nahiyesining özide 10 mingdin artuq Uyghur balining balilar lagérida ikenliki, ularning hemmisining ata-anisi yaki ata-anisining birining lagérda ikenlikini ilgiri sürgen.

"Zimistan" torining tekitlishiche, roshen'gul isimlik bir shahit ayal 2017-yili chong tutqun bashlan'ghanda öyining aldidiki saqchixanida yüz bergen ishlarni "Zimistan" gha ashkarilighan. U, er-ayal Uyghur tutqunlirining saqchixanigha tutup kélinip, qandaq élip kétilgenliki, ularning qaranchuqsiz perzentlirining saqchixanidiki bir zalgha toplinip, balilar lagérlirigha yollan'ghanliqini bildürgen. Xewerde, bu balilarning teqdirining qandaq bolghanliqi éniq emesliki, ularning shi jinping teripidin "Yéngi éra" dep perdezlen'gen bu sistémining tapini astida ghayip bolghanliqi tektilen'gen.

Toluq bet