Шаңхәй һәмкарлиқ тәшкилати корлада бирләшмә һәрбий маневир өткүзди

Мухбиримиз меһрибан
2016-11-29
Share

Хитай армийәси ториниң инглизчә хәвиридә тилға елинишичә, 28-ноябир күни шаңхәй һәмкарлиқ тәшкилатиға әза дөләтләрдин хитай вә қирғизистан армийиси корлада бирләшмә һәрбий маневир башлиған.

Хәвәрдә тилға елинишичә, бир һәптә давамлишидиған маневирда хитай әскәрлири, қирғизистан әскәрлири қатарлиқ шаңхәй һәмкарлиқ тәшкилатиға әза дөләтләр әскәрлириниң тағлиқ районларда вә начар һава райи килиматида һәмкарлишип мәшғулат елип бериш иқтидарини ашуруш вә бу арқилиқ районда туюқсиз йүз бериш еһтимали болған террорлуқ һәрикәтлиригә ортақ зәрбә беришни мәқсәт қилғанлиқи тәкитләнгән.

Мустәқил учур тори веки пидиадин мәлум болушичә, шаңхәй һәмкарлиқ тәшкилатиниң дәсләпки һули 1996-йили селинған болуп, әйни чағда хитай һөкүмитиниң тәшәббуси билән қазақистан, қирғизистан, русийә, таҗикистан қатарлиқ 5 дөләт өз-ара һәмкарлиқ орнатқанлиқини җакарлиған. 2001-Йили мәзкур тәшкилатқа өзбекистанму рәсмий әза болуп қошулған. Тәшкилат низамнамисидә мәзкур 6 дөләтниң сиясий, иқтисадий вә һәрбий бирликни мәқсәт қилип қурулғанлиқи, тәшкилатқа әза дөләтләрниң бир ‏-бириниң ички ишлириға арилашмайдиғанлиқи, сиясий иқтисадий һәрбий җәһәтләрдә өз ‏-ара йеқин һәмкарлиқ мунасивити орнатқанлиқи җакарланған. 2015-Йили 10-июл күни һиндистан вә пакистанниңму шаңхәй һәмкарлиқ тәшкилатиға рәсмий әза қилип қобул қилинғанлиқи елан қилинған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт