Xelq'aradiki dangliq ilmiy mejmu'e - "Hazirqi sherqshunasliq" ning bu yilliq sani qazaq we Uyghur tetiqatigha béghishlan'ghan

Muxbirimiz qutlan
2016-08-27
Élxet
Pikir
Share
Print

"Hazirqi sherqshunasliq" mejmu'esi bril neshriyati teripidin neshir qilinidighan ilmiy toplam bolup, bu yil yazda uning 96 - sani oqurmenler bilen yüz körüshken.

Hem kitab sheklide hem éléktronluq tor nusxisida neshir qilinidighan "Hazirqi sherqshunasliq" mejmu'esi ottura sherq we islam dunyasining siyasiy, ijtima'iy, tarixiy, medeniyet, til, edebiyat we bashqa mesililiri heqqidiki ilmiy tetqiqatlargha béghishlan'ghan toplamdur.

"Hazirqi sherqshunasliq" mejmu'esining bu yilliq sani, yeni omumiy 96 - sani qazaqistan'gha béghishlan'ghan bolup, qazaqistanning rus istélasidin buyanqi tarix, medeniyet we jem'iyet ehwali heqqidiki bir yürüsh maqalilar orun alghan.

Toplam munderijisidin melum bolushiche, mezkur mejmu'ede "Qazaqlar we 19 - esirning birinchi yérimidiki orta asiya xanliqliri", "Tashkent rayonidiki qazaq ahaliliri arisida ruslarning ma'arip we meniwiy jehette yürgüzgen mustemlike siyasiti", "Charrusiye impiriyesining qazaq dalasida élip barghan istatéstikiliq tekshürüshliri heqqide tetqiqat" qatarliq bir qisim muhim maqalilar orun alghan. Mezkur mejmu'ege yene ablet kamalofning "Yettesu rayonida Uyghur milliy tarixining tughulushi" namliq maqalisimu kirgüzülgen.

Melumki, bril neshriyati Uyghur we orta asiya tetqiqati boyiche dangliq ilmiy kitablarni neshir qiliwatqan bolup, yéqinqi yillarda "Xitay bilen orta asiya ariliqidiki Uyghurlarning ehwali", "19 - Esirning axiridin 20 - esirning birinchi yérimighiche bolghan Uyghur jem'iyet tarixi", "Qelem kürishi" qatarliq ilmiy eserlerni yoruqluqqa chiqarghan.

Toluq bet