"експрәс" гезити: "ши җинпиң һакимийити узунға бармай йимирилиши мумкин"

Мухбиримиз әркин
2021-07-12
Share

Әнгилийәниң "експрәс" гезити 10-июл мутәхәсиссләрниң сөзини нәқил кәлтүрүп бәргән бир хәвиридә, хитай рәиси ши җинпиңниң узунға бармай ағдурулуши, хитай компартийәсиниң йимирилиши мумкинликини илгири сүргән. Хәвәрдә баян қилишичә, хитайниң иқтисадий вә һәрбий күчи кишиләр ‍ойлиғандин көп аҗиз болуп, ши җинпиңниң армийәни тазилиши хитай компартийәсигә әкс тәсир көрсәтмәктә икән.

Бу қарашни атақлиқ хитай мәсилилири анализчиси паул монк австралийәниң "сикай хәвәрлири" қанилиниң зияритини қобул қилғанда ейтқан. Паул монкниң қаришичә, әгәр хитай армийәси тәйвәнни ишғал қилишқа киришсә, зор қийинчилиқларға дуч келидикән.

Ши җинпиң өткән һәптә хитай компартийәсиниң 100 йиллиқини тәбриклигәндә, әгәр чәт әл күчлири хитайни "бозәк қилишқа яки өз тәсиригә елишқа ‍урунса, уларниң бешини езип ташлайдиғанлиқи" һәққидә җар салған. Лекин паул монкниң билдүрүшичә, хитайниң "яхши ойлишип қилмиған һәрикәтлири" униң йимирилишини кәлтүрүп чиқиридикән.

У хитай компартийәсниң һөкүмранлиқ моделиниң "ахириқи ишлитилиш чекигә йәткәнлики", "әгәр хитай өзини бихәтәр вә қанунлуқ" дәп һес қилса, бу дәриҗидә пәвқуладдә чәкләш вә бастуруш елип бармайдиғанлиқи, шуңа компартийәниң қануний орниға қарита "упуқта бир қанунийлиқ киризиси" барлиқини билдүргән. Паул монкниң ейтишичә, ши җинпиң юқури дәриҗилик һәрбий әмәлдарлирини тазлиған болуп, "тәйвәнни ишғал қилиш урунушидики һәрқандақ бир қийинчилиқ униң һакимийитини йимириш гирдабиға елип баридикән".

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт