ياپونىيە باش ۋەزىرى شىنزو ئابې ئىسلاھات ئېلىپ بېرىپ بارماقچى

مۇخبىرىمىز جۈمە
2015-01-01
Share

ياپونىيە باش ۋەزىرى شىنزو ئابې 1- يانۋار ئېلان قىلغان يېڭى يىللىق باياناتىدا ياپونىيىدە ئىسلاھات ئېلىپ بېرىپ، ئىقتىسادنى ئىلگىرى سۈرۈش ھەققىدە ۋەدە بەردى ۋە بۇنىڭ 2- دۇنيا ئۇرۇشىدىن بۇيان ياپونىيىدە يولغا قويۇلىدىغان ئەڭ كەسكىن ئىسلاھات ئىكەنلىكىنى تەكىتلىدى.

ئۇ ئىقتىسادىي ئىلگىرىلەشنى ئەڭ مۇھىم خىزمەت قاتارىغا قويىدىغانلىقىنى بىلدۈرۈپ مۇنداق دېدى: بىز ئۆزىمىزنىڭ يۈكسىلىش ئىستراتېگىيەمىزنى ئىجرا قىلىمىز ۋە ئىقتىسادنى قوزغىتىش چارىلىرىمىز بۇرۇن يولغا قويىمىز.

ئۇ 2012- يىلى ۋەزىپىگە ئولتۇرغاندا، ئېنېرگىيە، يېزا ئىگىلىك ساھەسىدىكى بەلگىلىمىلەرنى ئىسلاھ قىلىدىغانلىقى، ئىجتىمائىي پاراۋانلىق، دىپلوماتىيە دۆلەت ۋە خەۋپسىزلىكى سىياسەتلىرىنى يېڭىلايدىغانلىقىنى بىلدۈرگەن ئىدى.

ئۇ بۇلارنى ئىما قىلىپ تۇرۇپ مۇنداق دېدى: مەن يولغا قويۇشقا تەرەددۇت قىلغان ئىسلاھاتلارنىڭ ھەممىسى 2- دۇنيا ئۇرۇشىدىن كېيىنكى ئەڭ كەسكىن ۋە مۇساپىسى رىقابەتلىك بولغان ئىسلاھاتلاردۇر.
ئۇ نۇتقىدا يەنە، ئۆزىنىڭ نۆۋەتتە « يېڭى ياپونىيە» قۇرۇپ چىقىش سەپىرىگە ئاتلانغانلىقىنى بىلدۈردى.

ئەمما ئۇ، «يېڭى ياپونىيە» ئاتالغۇسىنى شەرھلىمىدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت