Шинзо абе райондики вәзийәтниң һәрбий күч билән өзгәртилишигә чидап турмайдиғанлиқини билдүрди

Мухбиримиз җүмә
2014-01-25
Share

Җүмә күни японийә баш вәзири шинзо абе японийиниң райондики һазирқи вәзийәтниң һәрбий күч билән өзгәртилишигә һәргиз чидап турмайдиғанлиқини билдүрди.

У, бу сөзләрни японийиниң дөләт сиясити һәққидә қилған нутқида оттуриға қойди.

У мундақ деди: ғәрбий җәнубтики районлар, японийини орап турған кәң деңиз вә һава бошлуқиниң хәвпсизликини қоғдаш үчүн, японийә өзиниң дөләт мудапиә иқтидарини күчәйтиду.

Шинзо абениң бу сөзлири хитай даирилири шәрқй деңизда өз алдиға һава мудапиә кимлик райони бәрпа қилған вә җәнубий деңизниң көп қисмини "өзиниң" дәп елан қилип, башқа дөләт белиқчилириниң киришини чәклигән мәзгилдә оттуриға чиқти.

Хитай даирилири юқири деңизларда өз алдиған турғузған бәлгилимиләр японийә, америка, җәнубий корейә, вйетнам вә филиппин қатарлиқ дөләтләрниң наразилиқини қозғиған.

Америка вә японийә буларни етирап қилмайдиғанлиқини билдүргән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт