Xitay nopus eng köp ölke - sichu'ende ikki perzentlik bolush siyasitini resmiy bashlidi

Muxbirimiz ümidwar
2016-01-25
Élxet
Pikir
Share
Print

Xitay xelq qurultiyi 2016 - yili 1 - aydin bashlap, pilanliq tughut siyasitige özgertish kirgüzgen yéngi layihesini yolgha qoyghan idi. Xitaydiki nopus eng köp we eng zich ölkilerdin biri sichüen ölkiside ikki perzentlik bolushqa resmiy yol qoyulghan bolup, "Junggo uchur tori" ning xewiridin melum bolushiche, 22 - yanwar küni échilghan sichu'en ölkisining 12 - nöwetlik xelq wekiller qurultiyi da'imiy komitétining 21 - qétimliq yighinida "Sichu'en ölkisining nopus we pilanliq tughut nizami" (tüzitish kirgüzülgen nusxisi) qarap chiqip maqullandi we "Omumyüzlük ikki perzentlik bolush" siyasitini yolgha qoyushtiki maslashturulidighan chariler aydinglashturuldi.

Sichu'en ölkisining mezkur yéngi yolgha qoyulidighan nizamida eslidin bar bolghan kéchikip toy qilishni mukapatlash heqqidiki belgilime chiqiriwétilgen.

Mezkur nizam boyiche yene, qanun - belgilimige mas kélidighan perzentlik bolghan er - ayallar qanun - belgilimide belgilen'gen tughutluq aramdin bashqa, ayal terep yene 60 kün uzartip aram alalaydiken we ma'ash we parawanliq teminatliri özgermeydiken. Sichüende yolgha qoyulghan mezkur ikki perzentlik bolushqa a'it yéngi nizamda bir qatar parawanliq chariliri békitilgen iken.

Ikki perzentlik bolushqa a'it yéngi belgilime yéngi yil kirish bilen xitayning bir qisim ölkiliride omumlashturulghan bolup, enxuy, gu'angshi, yünnen we bashqa ölkiler sichüen ölkisidikige oxshash bir qatar yéngi parawanliq belgilimilirini chiqarghan.

Toluq bet