Da'iriler kéler yili xitay ölkilirige ewetilidighan oqughuchilargha siyasiy shert qoyghan

Muxbirimiz qutlan
2016-12-26
Share

Uyghur aptonom rayonluq adem küchi bayliqi we ijtima'iy kapalet nazariti aldinqi hepte bayanat élan qilip, 2017-yili Uyghur diyaridin 4000 neper studéntni xitay ölke, sheherlirige dawamliq terbiyilinishke ewetidighanliqini bildürgen idi.

Igilinishiche, atalmish "Shinjanggha nishanliq yardem bériwatqan ölke, sheherler" ge ewetilip dawamliq terbiyelinidighan studéntlarni tallashta ularning kespiy bilim sewiyesidin bashqa yene, siyasiy-idiye ehwaligha alahide shert qoyulidiken. Bolupmu, xitay da'iriliri Uyghur élida küchep teshwiq qiliwatqan "Junggoni wetinim dep tonush", "Jungxu'a millitini tonush", "Jungxu'a medeniyitini tonush", "Junggo kompartiyesini tonush" we "Junggoche sotsiyalizmni tonush" tin ibaret "Beshni tonush" ni alahide siyasiy ölchem qilidiken.

Közetküchiler, da'irilerning rayondiki yerlik millet oqughuchilirini ishqa orunlashturushta aldi bilen ularning siyasiy idiyesini qizillashturush hemde xitay ölkiliridiki atalmish "Dawamliq terbiye" arqiliq ularning méngisini yuyush taktikisini ishqa séliwatqanliqini tekitlimekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.