Amérika ikkinchi qedemde süriyeni isyanchilar bilen söhbetke qistimaqchi

Süriyede tünügün ximiyiwi qorallar b d t mutexessislirige tapshurulushqa bashlighandin kéyin amérika tashqi ishlar ministiri jon kery bügün besher esad hökümitining b d t ning buyruqigha emel qilghanliqigha medhiye oqudi.

Besher esedning bu qétimqi boysunushini ijabiy nuqtidin bashlan'ghuch qedem dep teripligen jon kery, emdilikte besher hökümitini noyabirda isyanchilar bilen söhbet ötküzüshke köndüridighanliqini bayan qildi.

Jon kery bu heqte rusiye tashqa ishlar ministiri bilen pikir birlikige kelgenlikinimu eskertip ötti.

Amérika awazining bügünki bu heqtiki xewiride bayan qilinishiche, jon kery bu heqte pat yéqinda b d t we ereb birlikining süriye üchün teyinligen elchisi laxdar brahimi bilen körüshmekchi.

Laxdar birahimi hazirgha qeder ikki terepni tinchliq üstilige ekélish üchün köp qétim tirishqan bolsimu netije hasil bolmighan. Süriyediki muhajirettiki öktichiliri birleshme hökümet témisida beshar esad bilen söhbetke olturushqa mayilliqini bildürgen bolsimu, süriyediki isyanchilar, besher esad texttin chüshmey turup qarshi hökümet terep bilen héchqandaq témida söhbet élip barmaydighanliqini bildürüp kéliwatqan idi.