Таҗикистандики йәр тәврәш қәшқәрдиму күчлүк һес қилинған

23-Феврал күни, таҗикистанда 7.2 Бал йәр тәвригән. Шу йәр вақти әтигән саәт 8 дин 37 минут өткәндә йүз бәргән бу йәр тәврәш уйғур елиниң җәнубидиму көрүнәрлик дәриҗидә һес қилинған.

Хитайниң шинхуа ториниң дейишичә, таҗикистандики йәр тәврәшниң мәркизи уйғур елидин тәхминән 82 километир узақлиқта болуп, қәшқәр, атуш вә һәтта ақсу қатарлиқ җайларда күчлүк дәриҗидә һес қилинған. Даириләр һазирчә вәқәдә җан вә мал чиқими һәққидә хәвәр кәлмигәнликини билдүргән.

Йәр тәвригәндә уйғур ели төмүр йол тармақлири җәнубқа қатнайдиған пойиз йолиниң ақсу-қәшқәр бөликидики пойизларни дәрһал тохтатқан. Тохтитилған пойизлар үрүмчи-қәшқәр, үрүмчи-хотән, үрүмчи-арал қатарлиқ пойизларни өз ичигә алидикән.

Даириләр йәнә, йәр тәврәштин кейин қәшқәрдики ток билән тәминләш вә алақә хизмәтлириниң нормал давам қилғанлиқини ейтқан.