Bangkok partlitish hujumidiki ikki gumandar sotta özlirining qiynap iqrar qildurulghanliqini ashkarilap barliq jinayetlerni inkar qildi

Muxbirimiz méhriban
2016-02-16
Share

Bangkokta yüz bergen partlitish hujumining gumandarliri dep qolgha élin'ghan ikki Uyghurning seyshenbe küni bangkoktiki bir herbiy sotta özlirining qiynap iqrar qildurulghanliqini bildürüp, ulargha artilghan barliq jinayetlerni inkar qilghanliqi otturigha chiqti.

Roytérs agéntliqining bu heqtiki xewiride bayan qilinishiche, adem qaradagh bilen mir'eli yüsüf isimlik 2 Uyghur partlitish hujumini pilanlash we qesten adem öltürüsh qatarliq 10 türlük jinayet bilen eyiblen'gen bolsimu, emma ular saqchi da'irilirining ularni qiynap iqrar qildurghanliqini bayan qilip, özlirining naheq eyibliniwatqanliqini bildürgen. Xewerde bayan qilinishiche, saqchilar ikki gumandarni qoligha taqaq, putlirigha kishen sélin'ghan halda yalang'ayaq yalap kirgen. Sotqa muxbirlarning kirishige ruxset qilin'ghan bolsimu, ularning süretke tartishigha yol qoyulmighan.

15-Féwral yeni sot échilishtin bir kün awwal adem qaradagh yeni (bilal muhemmed) isimlik gumandar adwokati arqiliq tayland saqchilirining özini qiyin-qistaqqa élip mejburiy iqrar qildurghanliqini ashkarilighandin kéyin, xelq'aradiki kishilik hoquq teshkilatliri we kishilik hoquq pa'aliyetchiliri jiddiy inkas qayturup, tayland da'irilirini ochuq-yoruq bolushqa chaqirmaqta. 2015-Yili 17-awghusttiki bangkok partlash weqeside 20 adem ölgen, 120 din artuq adem yarilan'ghan. Ölgenlerning köp qismi xitay sayahetchiler ikenliki éniqlan'ghan. Tayland da'iriliri weqedin kéyin 17 ademni gumandar dep élan qilip, ulardin ikki kishining tutulghanliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet