Тайланд сақчилири: баңкок бомба һуҗуми гумандари бомбини баш гумандариға йәткүзүп бәргәнликини иқрар қилди

Мухбиримиз җүмә
2015.09.09
Share on WhatsApp
Share on WhatsApp

Тайланд сақчи даирилири чаршәнбә күндики баянатида баңкок бомба һуҗумиға четилип қолға елинған иккинчи гумандарниң бомба қачиланған сомкини баш гумандарға йәткүзүп бәргәнликини иқрар қилғанлиқини ейтти.

17-Июл баңкоктики ераван ибадәтханисида бомба партлаш вәқәси йүз берип аз дегәндә 20 адәм өлгән, 120 дин артуқ адәм яриланған иди. Вәқәдин кейин даириләр ноң чок районидики икки бина өйгә бастуруп киргән вә бир гумандарини бомба яшаш әслиһәлири билән қолға чүшүргәнликини билдүргән.

Иккинчи гумандар мирәли йүсүп 1-сентәбир камбоджа чеграсида қолға елинған болуп, сақчилар униң қолида “туғулған орни ‛шинҗаң‚ дәп йезилған хитай паспорти барлиқи” ни илгири сүргән иди.

9-Сентәбир тайланд сақчи баянатчиси правут таворнсириниң ейтишичә, сақчилар сәйшәнбә вә чаршәнбә күнлири мирәли йүсүпни у бомба ясаш үчүн “материял” сетивалған дукан вә бомбини баш гумандариға йәткүзүп бәргән пойиз истансиси қатарлиқ җайларға елип барған.

Правут йәнә мирәлиниң бомба қачиланған сомкини нок чок районидин бир үч чақлиқ кира мотсиклитиға олтуруп бәлгиләнгән орунға йәткүзүп бәргәнликини иқрар қилғанлиқини билдүрди. Әмма сақчилар бомба ясалған материялларниң түри вә характерини ашкарилимиди.

Даириләрниң илгири сүрүшичә, гумандарлар “WhatsApp” дәп атилидиған янфон учур юмталидин пайдилинип алақә қилған, баш пиланлиғучи һуҗумни тәшкилләп болуп һуҗумдин бурун тайландтин айрилған. Нөвәттә униң кимлики вә дөләт тәвәлики сир тутулмақта.

Илгирики хәвәрләрдә ноң чок районидин қолға елинған “адәм карадаг” исимлик гумандариниң қолида түрк паспорти барлиқи илгири сүрүлгән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт