Bangkoktiki partlashqa chétishliq dep tutup turuluwatqan ikki Uyghur gumandarning dawasi yene arqigha sürüldi

Muxbirimiz irade
2016-09-15
Share

Firansiye agéntliqining xewer qilishiche, 2015-yili 8-ayda yüz bergen bomba hujumidin kéyin qolgha élin'ghan mir'eli yüsüp, muhemmed bilallarning peyshenbe küni échilmaqchi bolghan soti terjiman sewebidin kéchiktürülgen.

Xewerdin qarighanda, sotta mir'eli yüsüp sot teripidin teyinlen'gen özbék ayal terjimanning gépini toluq chüshinelmigenlikini éytqan. Buning bilen sotchi ularning sotini 10-ayning 13-14-künlirige sürüshni qarar qilghan. Ularning dawasi ötken 8-aydimu yene terjiman sewebidin sürülgen idi.

Xewerde éytilishiche, herbiy sotta körülüwatqan bu dawada sotchi ilgiri aqlighuchilar teripidin tewsiye qilin'ghan terjimanni ishlitishni ret qilip, bu dawaning xewpsizlikke chétilidighan mesile ikenlikini, shunga choqum sot özining terjiman teyinleydighanliqini éytqan iken.

Mir'eli yüsüp we muhemmed bilal her ikkilisi özlirining gunahsizliqi, weqe bilen alaqisi yoqluqini ilgiri sürüp kelmekte. Bangkok hökümitining dawa üstidiki perqliq ipadilirimu ilgiri türlük gumanlargha yol achqan.

Xewerde éytilishiche, xelq'ara sotchilar komitétining asiya diréktori sem zarifi, "Bu dégen tayland hökümiti üchün intayin muhim bir délo hésablinidu. Délo gumandarliri sotsiz tutup turuluwatqan bir shara'it astida, tayland hökümitining terjiman teyinleydighan nechche ay waqti bar turuqluq, némishqa kéreklik terjimanni teyyarliyalmighanliqi bir müjmel ehwal" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet