"Xelq'ara terjimanlar küni" de sha'ir shahip abdusalam nurbeg yad étildi

Muxbirimiz jewlan
2020-09-30
Share

Uyghurlarning dosti, Uyghur edebiyatigha, jümlidin Uyghur shé'iriyitige chongqur ishtiyaq baghlighan amérikaliq tetqiqatchi jashu'a frimen (Joshua L. Freeman) 30-Séntebir "Xelq'ara terjimanlar küni" munasiwiti bilen sha'ir we terjiman shahip abdusalam nurbeg heqqide tiwittér yollap mundaq dégen:

"'xelq'ara terjimanlar küni' de xitaydiki yighiwélish lagérigha solan'ghan Uyghur terjimanlargha aliy éhtiram bildürimen. Shahip abdusalam nurbeg ularning biri bolup, u Uyghur sha'irlirining 'köyüwatqan bughday' namliq shé'irlar toplimining xitayche terjimisining tehrirlikini ishligen. U 2017-yil lagérgha solan'ghandin buyan hazirghiche iz-dériki yoq. Uninggha oxshash milyonlighan Uyghur hazir xitay lagérlirida tutup turulmaqta yaki mejburiy emgekke sélinmaqta. Shahip abdusalamning gunahi birla, u bolsimu uning Uyghur bolup tughulup qalghanliqidur."

30-Séntebir "Xelq'ara terjimanlar küni" bolup, oxshimighan milletlerning medeniyette, jümlidin edebiyat-sen'ette öz'ara chüshinishini ilgiri sürüshte muhim rol oynaydighan terjimanlar tebriklinidu we töhpiliri yad étilidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet