Тәйвән президент сарийиниң қоғдиғучиси бир хитайниң һуҗумиға учрап яриланди

Мухбиримиз әркин
2017-08-18
Елхәт
Пикир
Share
Принт

Җүмә күни, тәйвән президентлиқ сарийини қоғдайдиған нөвәтчи әскәр самурай қиличи вә хитайниң дөләт байриқини көтүрүвалған бир хитайниң һуҗумиға учрап яриланған. Бирләшмә агентлиқиниң хәвәр қилишичә тәйвән һөкүмити мәзкур вәқәни сиясий ғәрәзлик һуҗум, дәп көрсәткән.

Хәвәрләрдә, һуҗумчиниң 51 яшлардики лу фамилилик киши икәнлики, униң президент сарийини қоғдаватқан башқа әскәрләр тәрипидин дәрһал бойсундурулуп, бинаға киришиниң алди елинғанлиқини билдүргән. 

Тәйвән мәркизи ахбарат агентлиқиниң хәвиридә билдүрүшичә, лу фамилилик самурай қиличини шу әтраптики бир тәйвән һәрбий мозийидин оғрилап чиққан.

Вәқә йүз бәргән чағда президент сәй йиңвенниң ишханисида яки әмәслики мәлум әмәс.Тәйвән мәркизи агентлиқи тәйвән һөкүмәт әмәлдарлириниң сөзини нәқил кәлтүрүп бәргән хәвиридә қәйт қилишичә, лу фамилиликниң сомкисидин коммунистик хитайниң дөләт байриқи чиққан. У, сақчиларға бәргән ипадисидә, өзиниң бу һуҗум арқилиқ «сиясий мәйданини намаян қилғанлиқи» ни билдүргән.

Бейҗиң һөкүмити һазирға қәдәр мәзкур вәқәгә һечқандақ инкас билдүрмиди. 

Бу қетим тәйвән президент сарийиниң һуҗумға учраш вәқәси президент сәй йиңвен тәйвәнниң хитай земини икәнликини етирап қилишни рәт қилип, хитай-тәйвән мунасивити җиддий әһвалда туруватқан мәзгилдә йүз бәрди.

Пикирләр (0)
Share
Толуқ бәт