Тйәнҗиндики партлашқа аит учурларниң қамал қилиниватқанлиқи хәвәр қилинмақта

Мухбиримиз ирадә
2015-08-13
Share


Тйәнҗин шәһириниң бинхәй йеңи районидики портта чаршәнбә күни кечидә йүз бәргән зор көләмлик партлашта һазирғичә 50 адәмниң өлгәнлики хәвәр қилинмақта. Буларниң ичидики 12 нәпири от өчүрүш хадими. Шинхуа тори қатарлиқ хитайниң рәсмий ахбарат вастлири тарқатқан учурлардин қариғанда вәқәдә яриланған киши сани 701 болуп, 71 нәпириниң әһвали хәтәрлик икән.

Фирансийә агентлиқиниң хәвәр қилишичә, хитай даирилири вәқәниң хәтәрлик химийивилик маддиларни сақлайдиған искилатта келип чиққанлиқини билдүргән болсиму, әмма партлашқа сәвәб болған от апитигә немниң сәвәб болғанлиқини техи елан қилмиған. Сақчилар партлаш йүз бәргән руйхәй искилатиниң башлиқини қолға алған.

Хитай даирилириниң һәр қетимлиқ вәқәдикигә охшашла бу қетимқи вәқәдиму учурни қамал қиливатқанлиқи мәлум болмақта. Бирләшмә агентлиқиниң ейтишичә, сақчилар вәқә болған җайдин бир қанчә километир арилиққичә тосақ қоюп, мухбирларниң киришини чәклигән. Хитайдики вейбо тори қолланғучилириму бүгүнки язмилирида өзлири торда елан қилған партлашқа аит рәсим вә вдиоларниң өчүрүветилгәнликидин шикайәт қилған.

Бүгүн, америка с н н теливизийисиниң мухбири тийәнҗиндики дохтурхана алдидин нәқ мәйданда хәвәр бериватқанда башқуруватқанларниң һуҗумиға учриған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт