Tyenjindiki partlashqa a'it uchurlarning qamal qiliniwatqanliqi xewer qilinmaqta

Muxbirimiz irade
2015-08-13
Share


Tyenjin shehirining binxey yéngi rayonidiki portta charshenbe küni kéchide yüz bergen zor kölemlik partlashta hazirghiche 50 ademning ölgenliki xewer qilinmaqta. Bularning ichidiki 12 nepiri ot öchürüsh xadimi. Shinxu'a tori qatarliq xitayning resmiy axbarat wastliri tarqatqan uchurlardin qarighanda weqede yarilan'ghan kishi sani 701 bolup, 71 nepirining ehwali xeterlik iken.

Firansiye agéntliqining xewer qilishiche, xitay da'iriliri weqening xeterlik ximiyiwilik maddilarni saqlaydighan iskilatta kélip chiqqanliqini bildürgen bolsimu, emma partlashqa seweb bolghan ot apitige némning seweb bolghanliqini téxi élan qilmighan. Saqchilar partlash yüz bergen ruyxey iskilatining bashliqini qolgha alghan.

Xitay da'irilirining her qétimliq weqedikige oxshashla bu qétimqi weqedimu uchurni qamal qiliwatqanliqi melum bolmaqta. Birleshme agéntliqining éytishiche, saqchilar weqe bolghan jaydin bir qanche kilométir ariliqqiche tosaq qoyup, muxbirlarning kirishini chekligen. Xitaydiki wéybo tori qollan'ghuchilirimu bügünki yazmilirida özliri torda élan qilghan partlashqa a'it resim we wdi'olarning öchürüwétilgenlikidin shikayet qilghan.

Bügün, amérika s n n téliwiziyisining muxbiri tiyenjindiki doxturxana aldidin neq meydanda xewer bériwatqanda bashquruwatqanlarning hujumigha uchrighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet