Тйәнҗиндики партлашта өлгәнләрниң сани көпәймәктә

Мухбиримиз үмидвар
2015-08-16
Share


Хитай һөкүмәт тәрәп тйәнҗиндики партлашта өлгәнләрниң саниниң 112 нәпәргә йәткәнликини билдүргән. Һазирғичә йәнә мәлум сандики адәмләрниң из - дәрики болмиған болуп, б б с агентлиқиниң хәвәр қилишичә, мәлум сандики адәмниң из - дерики болмиған һәм уларниң көпи от өчүрүш хадимлири икән. 15 - Авғуст күни тйәнҗин шәһәр рәһбәрлири тунҗи қетим екран алдида көрүнгән болуп, улар бу мәсилидә йиғин ачқан. Әмма, һазирғичә тйәнҗиндики партлашни кәлтүрүп чиқарған түп сәвәб техи ениқсиз болуп, йәнила тәкшүрүш үстидә икән.

Америка авазиниң хәвәр қилишичә, хитай һөкүмәт тәрәп тйәнҗин вәқәси мунасивити билән “өсәк сөз тарқатти”дегән нам билән бир қисим тор бәтләрни тақивәткән болуп, бу тор бәтләрдә тәйнҗин вәқәсидә өлгәнләрниң саниниң көпәйтиветилгәнлики сәвәб болған икән. Әмма, чәтәлләрдики хитай тор бәтлиридә тйәнҗин партлаш вәқәсиниң сәвәблири вә униң ақивәт - тәсирлири һәққидә түрлүк тәһлил вә инкаслар изчил давамлашмақта. Америка авазиниң хәвиридә ейтилишичә, бүгүн он нәччә нәпәр из - дерики болмиған от өчүрүш хадиминиң аилә - тавабиати һөкүмәткә наразилиқ билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт