15 Нәпәр тибәт кадириға «далай ламаға учур йәткүзгән» дегән баһанидә чарә көрүлди

Мухбиримиз ирадә
2015-01-28
Елхәт
Пикир
Share
Принт


Тибәт аптоном районида 15 нәпәр тибәт кадирға «далай ламаға ахбарат йәткүзгән» дәп чарә көрүлди.

Хитай шинхуа агентлиқиниң 27 - январдики ахбаратида, заңзу аптоном райони һөкүмитиниң баш катипи ваң гаңниң сөзи нәқил елинип, « өткән һәптә 15 нәпәр заңзу кадири вә компартийә әзаси интизамға еғир дәриҗидә хилаплиқ қилғанлиқи үчүн чарә көрүлгәнлики, уларниң далай гуруһиға ахбарат йәткүзгән дегән гуманда тәкшүрүлүватқанлиқи» хәвәр қилинди.

Хәвәрдә йәнә, бу тибәт кадирлири арисида аптоном районида қанунсиз қурулған «тибәт мустәқилчилири йәр асти тәшкилати»ға әза болғанлар барлиқи, улар далай лама гуруһиға йәткүзгән ахбаратларниң дөләт бихәтәрликигә зиян йәткүзгәнлики» тилға елинған.

2013 - Вә 2014 - йиллири уйғур аптоном районида йүз бәргән қаршилиқ һәрикәтлириниң илгирики йиллардикидин көп вә шиддәтлик болуши, хитай һөкүмитиниң бешини ағритқан мәсилиләрниң биригә айланған. Хитай рәиси ши җинпиң 2014 - йили 5 - айниң 23 - күнидин башлап мәмликәт бойичә бир йилға созулған «террорлуққа зәрбә бериш һәрикити» елип баридиғанлиқини елан қилғандин кейин, тибәт аптоном районидиму аталмиш«далай лама гуруһиға рәрбә бериш, бөлгүнчиликкә қарши туруш» намида зәрбә бериш һәрикәтлири елип берилған иди.

Пикирләр (0)
Share
Толуқ бәт