Җуңго милләтләр тил-йезиқ тәрҗимә идариси қурулғанлиқиниң 60 йиллиқ паалийити хәлқарадики көзәткүчиләрдә башқичә пикир пәйда қилмақта

Мухбиримиз қутлан
2015-12-14
Share

Хәлқ тори уйғурчә қанилиниң хәвиригә қариғанда, җуңго милләтләр тил-йезиқ тәрҗимә идариси қурулғанлиқиниң 60 йиллиқини тәбрикләш паалийити 11-декабир күни бейҗиңда өткүзүлгән.

Мәзкур паалийәткә хитай мәмликәтлик хәлқ қурултийи билән хитай мәмликәтлик сиясий кеңишиниң мунасивәтлик рәһбәрлири қатнашқан. Паалийәт давамида хитайдики аз санлиқ милләтләрниң тил-йезиқ вә тәрҗимә хизмитигә даир мәхсус көргәзмә көрситилгән.

Мәлумки, бейҗиңдики җуңго милләтләр тил-йезиқ тәрҗимә идариси буниңдин 60 йил бурун хитай баш министири җу енләй билән һазирқи дөләт рәиси ши җинпиңниң дадиси ши җуңшүнниң тәстиқи билән қурулған икән.

Игилинишичә, мәзкур идарә қармиқида уйғур, моңғул, тибәт, қазақ, кореян, йизу, җуаңзу бөлүмлири бар болуп, уларниң асаслиқ хизмәт вәзиписи хитай компартийәсиниң муһим һөҗҗәтлири, қарарлири вә хитай мәркизидики йиғинларниң роһини аз санлиқ милләтләр тил-йезиқиға тәрҗимә қилиш икән.

Көзәткүчиләр, 60 йиллиқи тәбриклиниватқан бейҗиңдики мәркизий тәрҗимә идарисиниң әмәлийәттә хитай компартийәсиниң аз санлиқ милләтләр тил-йезиқидики канийи икәнликини тәкитлиди. Улар, хитай һөкүмити "қош тиллиқ маарип" вивискиси билән уйғур, тибәт вә башқа йәрлик милләтләр районида миллий тил-йезиқларниң ролини аҗизлаштурушқа урунуватқан болсиму, лекин бейҗиңдики мәркизий тәрҗимә идарисини изчил сақлап кәлмәктә, дегәнләрни илгири сүрди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт