Junggo milletler til-yéziq terjime idarisi qurulghanliqining 60 yilliq pa'aliyiti xelq'aradiki közetküchilerde bashqiche pikir peyda qilmaqta

Muxbirimiz qutlan
2015-12-14
Share

Xelq tori Uyghurche qanilining xewirige qarighanda, junggo milletler til-yéziq terjime idarisi qurulghanliqining 60 yilliqini tebriklesh pa'aliyiti 11-dékabir küni béyjingda ötküzülgen.

Mezkur pa'aliyetke xitay memliketlik xelq qurultiyi bilen xitay memliketlik siyasiy kéngishining munasiwetlik rehberliri qatnashqan. Pa'aliyet dawamida xitaydiki az sanliq milletlerning til-yéziq we terjime xizmitige da'ir mexsus körgezme körsitilgen.

Melumki, béyjingdiki junggo milletler til-yéziq terjime idarisi buningdin 60 yil burun xitay bash ministiri ju énley bilen hazirqi dölet re'isi shi jinpingning dadisi shi jungshünning testiqi bilen qurulghan iken.

Igilinishiche, mezkur idare qarmiqida Uyghur, mongghul, tibet, qazaq, koréyan, yizu, ju'angzu bölümliri bar bolup, ularning asasliq xizmet wezipisi xitay kompartiyesining muhim höjjetliri, qararliri we xitay merkizidiki yighinlarning rohini az sanliq milletler til-yéziqigha terjime qilish iken.

Közetküchiler, 60 yilliqi tebrikliniwatqan béyjingdiki merkiziy terjime idarisining emeliyette xitay kompartiyesining az sanliq milletler til-yéziqidiki kaniyi ikenlikini tekitlidi. Ular, xitay hökümiti "Qosh tilliq ma'arip" wiwiskisi bilen Uyghur, tibet we bashqa yerlik milletler rayonida milliy til-yéziqlarning rolini ajizlashturushqa urunuwatqan bolsimu, lékin béyjingdiki merkiziy terjime idarisini izchil saqlap kelmekte, dégenlerni ilgiri sürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet