Уйғур районида “мәркәзниң 8 түрлүк роһиға хилаплиқ қилиш” та көрүлгән 6 типик мәсилә елан қилинған

Мухбиримиз җәвлан
2021-04-27
Share

Хитай таратқулириниң 27-апрел чиқарған хәвиридин мәлум болушичә, уйғур аптоном районлуқ һөкүмәт интизам тәкшүрүш комитети “мәркәзниң 8 түрлүк роһиға хилаплиқ қилиш” та көрүлгән 6 типик мәсилини елан қилған.

Бу алтә түрлүк мәсилә бүгүр наһийәлик сот мәһкимиси башлиқиниң совғат елиш мәсилиси, қубуқсар моңғул аптоном наһийәсдики бир мәктәп мудириниң пул тарқитиш вә совғат елиш мәсилиси, гума наһийәсидики бир йеза базар башлиқи (уйғур)ниң һөкүмәт машинисини ишлитивелиш мәсилиси, бурултоқай наһийә қурулуш идариси башлиқиниң һөкүмәт ишханисини өй орнида ишлитиш мәсилиси, онсу наһийә җам базири башлиқи (уйғур)ниң совғат елиш мәсилиси, үрүмчи шәһиридики бир мәктәп мудири (уйғур)ниң қаидигә хилап той мурасими өткүзүши қатарлиқлар болуп, бу партийә әзалириниң “юқири бесимлиқ вәзийәт” астидиму һәр хил усуллар билән өз көмичигә чоғ тартқанлиқи “типик мисал вә күчлүк ибрәт” сүпитидә елан қилинған вә “истил түзитиш һәрикити” ни юқири көтүрүш керәклики тәкитләнгән.

Бу йәрдә көзәтчиләр диққәт қилған бир нуқта шуки, хәвәрдә ейтилған “юқири бесимлиқ вәзийәт” бир җәһәттин хәлқараниң уйғур районидики вәзийәткә йеқиндин көңүл бөлүшиниң хитайда бесим пәйда қилғанлиқини вә хитайниң уйғур районидики мәмурий әмәлдарларға йүклигән вәзиписиниңму еғирлашқанлиқини көрситиду. Иккинчи нуқта шуки, хитайдики чирикликкә нисбәтән ейтқанда, юқириқи мәсилиләр адәттики мәсилиләр болуп, хитай һөкүмити буларни типик мәсилә қатарида көтүрүп чиқиш арқилиқ кишиләрни қаймуқтуруп, чоң әмәлдарлардики чириклик вә җинайәтләрни нәзәрдин сақит қилишқа урунған болуши мумкин.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт