Хотән-чақилиқ төмүрйоли қурулушиға он миңдәк "ешинча әмгәк күчи" ниң ишлитиливатқанлиқи мәлум

Мухбиримиз җәвлан
2020-10-14
Share

Хитайчә "шинҗаң гезити" ниң 14-өктәбир тарқатқан хәвиридә мәлум болушичә, йеңидин қурулуватқан хотән-чақилиқ төмүр йоли он миңдәк "ешинча әмгәк күчи" ни ишлитиватқан болуп, буларниң ичидә йәрлик уйғурларниңму барлиқи, айлиқ иш һәққиниң 4500 йүән икәнлики алаһидә тәшвиқ қилинған.

Хәвәрдә ейитилишичә, хотән-чақилиқ төмүр йолиниң қурулуши 2018-йилниң ахири башланған болуп, 2022-йил 6-айда тамамлинидикән, бу төмүр йолниң хотән билән байинғолин областидики узунлуқи 825 километирдин ашидиған болуп, хотәнниң лоп, керийә, нийә наһийилири билән чәрчән, чақилиқ наһийәлирини туташтуридикән.

Бу төмүр йол қурулушиға мәсул хитайниң билдүрүшичә, бу қурулушқа ишләватқанларниң көп қисми төвән турмуш капалити алидиған намратлар икән. Хотәнниң намрат деһқанлиридин 500 дәк киши бу қурулушниң йол чиңдаш дегәндәк техника тәлипи төвән ишлириға селинған.

Вәзийәттин хәвәрдар кишиләрниң билдүрүшичә, хитайниң уйғур районидики контрол қилиш сиясити аввал хәлқни сиясий, иқтисадий игилик һоқуқидин мәһрум қалдуруш, андин һаллиқ сәвийәгә йәткүзүш баһанисидә уларни беқинди ишләмчиләргә яки қул ишчиларға айландуруш болуп, деһқанларни уларниң мустәқил игиликидин айриветип, қара ишчилиққа селишму әнә шуниң бир мисали икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт