ئامېرىكىدىكى تۈرك بىئوخىمىيە ئالىمى نوبېل مۇكاپاتىغا ئېرىشتى

مۇخبىرىمىز جۈمە
2015-10-07
Share

تۈرك ئالىملىرىمۇ بۇ يىل نوبېل مۇكاپاتىغا ئېرىشكەن ئالىملار قاتارىدىن ئورۇن ئالدى. ئۇ بولسىمۇ، نۆۋەتتە ئامېرىكىدا ياشاپ تەتقىقات بىلەن شۇغۇللىنىۋاتقان بىئوخىمىيە ئالىمى ئەزىز سانجار ئىدى. چارشەنبە كۈنى، ئۇنىڭ ھۈجەيرىلەرنىڭ بۇزۇلغان DNA نى قانداق ئەسلىگە كەلتۈرىدىغانلىقى توغرىسىدىكى يېڭى بايقىشى نوبېل مۇكاپاتىغا ئېرىشتى.

بۇ تۈردىكى مۇكاپاتقا يەنە، ئامېرىكىلىق ئالىم پاۇل، مۇدرىك ۋە شىۋېتسىيەلىك ئالىم توماس لىنداھلمۇ ئېرىشتى.

ئەزىز سانجار ئەسلى تۈركىيەدىن بولۇپ، ئىستانبۇل ئۇنىۋېرسىتېتىنى پۈتتۈرگەن ۋە كېيىن ئامېرىكىنىڭ دالاس شەھەردىكى تېكساس ئۇنىۋېرسىتېتىدا دوكتورلۇق ئۇنۋانىغا ئېرىشكەن.

ئۇ يالې ئۇنىۋېرسىتېتىدا خىزمەت قىلىش جەريانىدا ھۈجەيرىلەرنىڭ ئۇلترا بىنەپشە نۇر، يەنى رادىئاتسىيىدىن زەخىملەنگەن دنا نى ئەسلىگە كەلتۈرۈش مېخانىزمىنى سىخىمىلاشتۇرۇپ چىققان.

ئۇ ھازىر شىمالىي كارولىنا ئۇنىۋېرسىتېتنىڭ پروفېسسورى.

مەلۇم بولۇشىچە، يۇقىرىقى 3 ئالىمنىڭ بۇ بايقاشلىرىدىن پايدىلىنىپ راك كېسەللىكلىرىنى يېڭىچە داۋالاش ئۇسۇلىنى تەرەققىي قىلدۇرغىلى بولىدىكەن.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت