Уйғур аптоном районлуқ даириләр түрмә сақчилирини давамлиқ көпәйтмәктикән

Мухбиримиз қутлан
2016-12-19
Share

Бу йилниң иккинчи йеримида даириләрниң уйғур дияридики түрмиләрни кеңәйтип қуруватқанлиқи һәққидә хәвәр тарқалған иди. Йеқинда хитай һөкүмәт таратқулири мәхсус учур берип, районда түрмә сақчилириниң көпәйтилишкә башлиғанлиқини илгири сүргән.

Хәлқ ториниң бүгүнки хәвиригә қариғанда, 2016-йили уйғур аптоном районида йеңидин қобул қилинған 64 нәпәр түрмә сақчиси 17-декабирдин етибарән үрүмчидики қораллиқ сақчи қисим мәшиқ базисида үч айлиқ рәсмий мәшиқни башлиған.

Хәвәрдә дейилишичә, йеңидин қобул қилинған түрмә сақчилири түрмә башқуруш хизмити бойичә мәхсус тәрбийәлинидикән. Уларниң һәммисиниң “қош тиллиқ” болуши бирдәк шәрт қилинған икән.

“җәнубий җуңго әтигәнлик почтиси” гезитиниң алдинқи күнидики хәвиридә чен чүәнго уйғур аптоном райониға партком секретари болуп кәлгәндин буян районда сақчилар билән бихәтәрлик тәкшүрүш орунлирини җиддий рәвиштә көпәйтиватқанлиқи тилға елинған иди. Радийомизниң хотән вилайитидики сақчиханилардин игилишичә, йеқинқи үч ай мабәйнидә йеза-кәнтләрдә ярдәмчи сақчилар һәссиләп көпәйтилгән.

Көзәткүчиләр, даириләрниң уйғур диярида түрмә сақчилирини көпәйтишкә башлиғанлиқи бу йил яздин буян районда кеңәйтип қурулуватқан түрмиләрниң адәм күчигә болған зор еһтияҗини ашкарилап көрсәтмәктә, дәп һесаблимақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт