Бу йил уйғур диярида алий мәктәп пүттүргән 80 миңдәк оқуғучи ишқа орунлашқан

Мухбиримиз әркин
2020-08-17
Елхәт
Пикир
Share
Принт

Хитай даирилири бу йил 8-айға қәдәр уйғур дияриниң ичи вә сиртидики алий мәктәпләрни пүттүргән 80 миңға йеқин оқуғучиниң уйғур диярида ишқа орунлашқанлиқини елан қилди. Лекин даириләр буниң қанчә пирсәнтиниң йәрлик милләт оқуғучилирини тәшкил қилидиғанлиқини тилға алмиған. Көзәткүчиләр, буниң бир қанчә миңи уйғурларни асас қилған йәрлик милләтләр болуши мумкин болсиму, әмма мутләқ көп қисминиң хитай оқуғучилар икәнлики вә буму хитай һөкүмитиниң районниң нопус қурулмисини өзгәртиш пиланиң бир парчиси икәнликини илгири сүрмәктә.

«Шинҗаң гезити» ниң ашкарилишичә, 80 миңдәк алий мәктәп оқуғучисиниң аз кәм 67 миңи райондики алий мәктәпләрни пүттүргәнләр, 12269 нәпири район сиртидики алий мәктәпләрни оқуғанлар икән. Хәвәрдә 7-айниң 31-күнигә қәдәр алий мәктәп пүттүргән район тәвәликидики оқуғучиларниң ишқа орунлишиш нисбитиниң 65% тин ашқанлиқи тәкитләнгән. Әмма қалған 34 % дәк алий мәктәп оқуғучисиниң қандақ болғанлиқи, уларниң қайси милләтни асас қилидиғанлиқи тилға елинмиған.

Хитай һөкүмити 2017-йили башланған чоң тутқунда милйонлиған уйғурни әрзан баһалиқ әмгәк күчигә айландурған. Шуниң билән бир вақитта районниң сиясий, иқтисадий, мәмурий вә техникилиқ орунлиридики уйғур сәрхиллирини бу орунлардин сиқип чиқирип, бу орунларға хитайларни орунлаштурған иди. Америка һөкүмити вә кишилик һоқуқ тәшкилатлириниң доклатлирида тәкитлинишичә, хитай һөкүмити хизмәткә қобул қилишта уйғурларни очуқ-ашкара кәмситип, бу җәһәттә зор һаң пәйда қилған.

Пикирләр (0)
Share
Толуқ бәт